Skólinn

Hvað er framundan í Seljaskóla? Í starfsáætlun finnur þú meðal annars stefnu skólans fyrir síðasta ár, skipulag kennslu og ótalmargt fleira. 

• Starfsáætlun 2025-2026

Viltu vita meira um hugmyndafræði og daglegt starf Seljaskóla? Í skólanámskrá finnur þú ítarlegar upplýsingar um hugmyndafræðilegar áherslur og stefnu skólans í námi og starfi. 

• Skoða skólanámskrá

Skólaráð sem er samráðsvettvangur skólastjóra og skólasamfélags um skólahald. Samkvæmt 8. grein laga um grunnskóla nr. 91/2008 skal starfa skólaráð við hvern grunnskóla.

Skólaráð Seljaskóla

Símalaus Seljaskóli – Sáttmáli

• Nemendur eiga ekki að vera með síma á skólatíma og gildir það hvort sem um er að ræða kennslustundir, frímínútur, hádegi, skólalóð, sund, vettvangsferðir, skólaferðalög, á leið í og úr íþróttum eða í skólanum fyrir fyrsta tíma að morgni.
• Ef nemandi kemur með síma í skólann er það á ábyrgð hans og/eða forráðamanna.
• Ef nemandi kemur með síma í skólann skal vera slökkt á honum (flugstilling) og hann ofan í tösku eða í læstum skáp nemanda (á við unglingadeild). Ef nemandi er með snjallúr þarf að slökkva á tilkynningum frá símanum. Airpods eða önnur álíka þráðlaus heyrnatól eru ekki leyfileg á skólatíma.
• Nemendur eiga að hafa símann þannig stilltan að hann gefi ekki frá sér hljóð eða víbring (nota flugstillingu).
• Símasáttmálinn nær einnig til annarra snjalltækja, t.d. snjallúra, að því gefnu að þau trufli eða geti truflað kennslu og einbeitingu.

Sé reglum um símalausan Seljaskóla ekki fylgt (unglingastig):

• Sé reglum um símalausan Seljaskóla ekki fylgt eftir og nemandi er með síma, biður kennari eða starfsmaður nemanda um að fara með símann upp til ritara/skólastjórnanda og fær símann ekki afhentan fyrr en í lok skóladags. Verði nemandi ekki við þessari beiðni er honum vísað út úr tíma og samband haft við forráðamenn.
• Nemandi fær skráningu á Mentor og staðlaður póstur er sendur á forráðamenn nemanda.
• Ef símasáttmála er ítrekað ekki fylgt (þrisvar sinnum) þarf forráðamaður nemanda að ná í símann í skólann og þá er boðað til fundar með nemanda og foreldrum og næstu skref ákveðin í sameiningu. Nemandi þarf þá annað hvort að skilja símann eftir heima eða skila honum á skrifstofu í byrjun skóladags og sækja hann við lok skólans næstu tvær vikurnar.  Að þeim tíma loknum fær nemandi aftur tækifæri til þess að geyma síma í skáp eða tösku.

    Annað:

• Samhliða innleiðingu símasáttmála verður gengið út frá því að starfsfólk skólans séu fyrirmyndir og noti að öllu jöfnu ekki síma á svæðum nemenda.
• Foreldrar/forráðamenn geta ávallt haft samband við nemendur með því að hringja í skrifstofu skólans. Þá geta nemendur fengið að hringja á skrifstofu skólans. 
• Undanþága frá þessu gæti t.d. mögulega verið sykursýki.
• Mikilvægt er að heimili og skólasamfélagið allt standi saman að því að innleiða þessar reglur á jákvæðan og árangursríkan hátt og því vonumst við eftir jákvæðum viðbrögðum og góðri samvinnu allra.
• Símar verða leyfilegir á böllum og öðrum skemmtunum skólans utan hefðbundins skólatíma.
• Við í Seljaskóla erum að fara af stað með þetta verkefni með hagsmuni barnanna í forgrunni og munum yfir veturinn setjast niður og fara yfir hvað hefur gengið vel, hvað má endurskoða og hvort það þurfi að skerpa á einhverju í tengslum við símalausan Seljaskóla.