Hagnýtar upplýsingar

Skrifstofa

Opnunartími skólans

Mánudaga - fimmtudaga: 8:00-16:00

Föstudaga: 8:00-15:00

Forfallatilkynningar

Skráningar í gegnum Mentor eða í síma 411-7500

Leyfisbeiðnir:

Hægt er að sækja um leyfi með innsendu eyðublaði eða í gegnum síma: 411-7500 

• Sækja eyðublað fyrir leyfisbeiðni 

Tilkynning um einelti

Forráðamenn geta haft samband við umsjónarkennara, námsráðgjafa eða skólastjórnendur.  Grun um einelti skal tilkynna á sérstöku eyðublaði.

• Sækja eyðublað til að tilkynna einelti 
  
  Viðbragðsferli fer af stað þegar tilkynning berst um einelti. Vinnuferlið skiptist í:
• athugun
• úrvinnslu
• eftirfylgni

Í ferlinu er rík áhersla lögð á samvinnu skóla og foreldra til að vinna megi sem best úr hverju máli. Mikilvægt er að fyllsta trúnaðar sé gætt við meðferð eineltismála. Eineltisteymi tekur til starfa þegar staðfestur er grunur um einelti. Í því situr umsjónarkennari þolanda sem jafnframt er lykilmaður teymisins ásamt námsráðgjafa og skólastjórnanda.

Öll málsatvik eru skráð í sérstaka möppu. Í henni er afrit af vinnuferlinu öllu, skráningarblöð vegna athugunar, fundagerða og úrvinnslu. Þegar málinu er lokið eru gögnin varðveitt í persónumöppu nemanda.

Nesti nemenda

Áhersla er lögð á hollt nesti í Seljaskóla með það að markmiði að nemendur fái orku og gott úthald. Hollt og gott nesti er t.d. ávextir, grænmeti eða brauð með hollu áleggi. Eini drykkurinn sem nemendur mega koma með í skólann er vatn. Seljaskóli er hnetulaus skóli. Hafa skal í huga að hnetur leynast í mörgu svo sem hnetusmjöri, hnetujógúrt, ýmsu bakarísbrauði, satay-sósu o.s.frv. 

Óskilamunir

Á hverjum degi gleymist eitthvað í skólanum sem nemendur eiga, t.d. lyklar, húfur og vettlingar. Mikilvægt er að foreldrar merki vel allan fatnað. Tapaður fatnaður er flokkaður og varðveittur hjá skólaliðum en lyklar, símar og skartgripir á skrifstofu skólans. Við upphaf nýs skólaárs eru munir, sem enginn hefur spurst fyrir um, sendir til Rauða krossins.

Seljaskóli á Facebook

• Skoða facebook síðu Seljaskóla